Badok. Euskal Kantagintzaren ataria
Harremanetarako formularioa
Hemen zaude > sarrera > artistak > lin ton taun> hemeroteka
lin ton taun > hemeroteka

Lin Ton Taun. El Tubo 51, 1994ko otsaila. (Disko iruzkinak)

Zestoako seikote honen lehen lan hau kontutan hartzekoa da garatzen duten estilo elkarpen bereziagatik, tritikixa, bertsolaritza, eta rocka hain zuzen. Interesgarria suertatzen da eta berria ere nolabait, aitzindariak badituela gogoratuko baituzue askok; horra hor Hertzainak-ek bere garaian egindako esperientziak edota aspaldian sortutako trikipunk. Guzti hau ondoen adierazten dituzten kantuak "Begiak okertuta", "Askatasun egarriz" eta "Zestoako harrobia" dira, hirurak alaiak eta entretenigarriak. Hala ere badute bere alde gogorra, ia heavyra hurbiltzen dena: "Hodei ilunak", "Zu gabe", "Etsaiaren atzaparretan" eta "Intsumisoa" bezala. Tristura eta hunkigarritasunerako lekua ere badago "Kateak apurtu" abestian, musikalki oso landua, gogortuz dihoan funky lasaia da.

Hitzak taldeak berak idatzitakoak dira, bi ezik: "Mendian gora rap", Xabier Amuriza idazlearena dugu. Bertan denetatik dago, ska, heavy-rap eta mezu baikorra. Bigarrena "Erasua faxista" da, Errexil bertsolariak 1992an idatzitakoa eta bertsolarien gremiotik betirako kaleratua izatea balio zitzaiona.

Orokorrean lan honek jorratzen dituen gaiak gazte orori ardura zaizkionak dira: langabezia, euskal kultura, droga, intsumisioa, presoekiko elkartasuna eta ekologia. Taldeari bere gaztetasuna nabaritzen bazaio ere ezin zaie ukatu euskal pop musikan irekitzen hasi diren bide berria.

Edorta Garcia
lin ton taun > diskografia

>>Lin Ton Taun

Esan Ozenki, 1993 (LP)

>>Nola esan dek?

Esan Ozenki, 1994 (CD)

>>Baneki

Dro East West, 1997 (CD)

>>Micro

Dro East West, 1999 (CD)