Zeinen bidegabeak diren urteko disko onenen zerrendak. Zenbat disko on geratzen diren kanpoan aukeraketa krudel baten ondoren. Eta gero, zenbatetan damutzen garen "beste disko hura" sartu ez izanaz. Aitzakiarik ez, ordea. Hiru disko txiki izan dira 2012an gehien gozatu ditudanak, bata euskaraz, bestea gaztelaniaz eta hirugarrena ingelesez abesturikoa: Joseba Irazokiren Oso banda, Las Kasettes-en Hics Hics, Hits Hits!!! eta The Dealers-en I Can't Win / Hypocondria, hurrenez hurren. Hiruek, biniloa aukeratu dute euren diskoak plazaratzeko. Beratarraren doinu bortxatuak, iruindarren lo-fi pop espiritua eta gasteiztarren 60etako garage-r&b-psych zartakoak entzuteko ba al da formatu hobeagorik?